Plantun de Prouvènço

Pèr coumpara dos planto d'encò nostre

Primula farinosa & Phyteuma hemisphaericum

Primula farinosa

Primulaceae

Nom en français : Primevère farineuse.

Descripcioun :
Dins la Tiniò, ié dison "las flours-de-Jano-d'Arc" (J.-L. Domenge in LMT, op.cit. p. 60). Es uno primadello dindouleto di flour roso emé lou centre jaune e blanc, que trachis dins li pelouso e li prado bagnado d'auto mountagno. Li fueio, touto basalo, soun quàsi ouvalo e merletado.

Usanço :
Couneissèn pas d'usanço particuliero pèr aquelo planto. La racino caup de sapounino. Escriéure au site se n'en sabès mai.

Port : Erbo
Taio : 5 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Primula
Famiho : Primulaceae

Ordre : Ericales

Coulour de la flour : Roso
Petalo : 5
Ø (o loungour) flour : 1 cm
Flourido : Printèms - Estiéu

Sòu : ca
Autour basso e auto : Pancaro entresigna
Aparado : Noun
Mai à jun

Liò : Prado umido - Bas-palun
Estànci : Subaupen
Couroulougi : Éurasiatico
Ref. sc. : Primula farinosa L., 1753

Rapounchoun(-mita-redoun)

Phyteuma hemisphaericum

Campanulaceae

Nom en français : Raiponce hémisphérique.

Descripcioun :
Aquéu rapounchoun tèune d'auto mountagno trachis dins li pelouso e roucas. Èi gaire coumun au nostre e se pòu counfoundre emé d'àutri meno coume lou rapounchoun-redoun. Se li fueio basalo espatulado an souvènt despareigu à la flourido, lis autro soun primo e tóuti en long (fotò). Li bratèio soun en triangle.

Usanço :
Sèmblo que li rapounchoun soun tóuti manjadis, majamen li jóuini brout emai li racino poupouso cuecho.

Port : Erbo
Taio : 3 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Phyteuma
Famiho : Campanulaceae

Ordre : Asterales

Coulour de la flour : Bluio
Petalo : 5
Ø (o loungour) enflourejado : 1,5 cm
Flourido : Printèms - Estiéu

Sòu : Si
Autour basso e auto : 1600 à 3200 m
Aparado : Noun
Jun à avoust

Liò : Pelouso - Roucas - Champino
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Phyteuma hemisphaericum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Primula farinosa & Phyteuma hemisphaericum

ges

Coumpara Flour-de-Jano-d'Arc emé uno autro planto

Coumpara Rapounchoun(-mita-redoun) emé uno autro planto